श्रीमती उज्ज्वला केळकर
कवितेचा उत्सव
☆ ऋतूचक्र… ☆ सौ. उज्ज्वला केळकर ☆
पाने सुवर्ण होऊन
तरुतळी विसवली
वर हासतात फुले
रत्नझळाळी ल्यालेली
आज हसतात फुले
उद्या माती चुंबतील
हसू शाश्वताचं त्यांचं
रस फळांचा होईल.
रस जोजवेल बीज
बीज तरु अंकुरेल
पाना फुलांचा सांभार
वृक्ष समर्थ पेलेल.
पुन्हा झडतील पाने
फुले मातीत जातील
फळ जोजावेल बीज
बीज वृक्ष प्रसवेल.
© सौ. श्रीमती उज्ज्वला केळकर
संपर्क – 176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
