मराठी साहित्य – कवितेचा उत्सव ☆ बेधुंद होऊन गाईले गीत… ☆ सुश्री संगीता कुलकर्णी

सुश्री संगीता कुलकर्णी

 कवितेचा उत्सव 

☆ बेधुंद होऊन गाईले गीत… ☆ सुश्री संगीता कुलकर्णी ☆ 

कितीतरी दिवसांच्या विश्रांती नंतर

पावसाचे हे जादू मंतर

समुद्रवरच मी  गेले थेट

अधीर मनाने घेतली भेट

तुफान सरी बेभान वारा

बेधुंद झाला आसमंत सारा

झोंबु लागला लडिवाळ वारा

ताशा वाजवती शुभ्र धारा

पावसाचेच मग झाले गीत

मनाचं झाले संगीत संगीत

भिजून घेऊ दे पावसा तुझ्यात

थिरकत संगीत गात्रा गात्रात

©  सुश्री संगीता कुलकर्णी 

लेखिका /कवयित्री

ठाणे

9870451020

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈