महंत कवी राज शास्त्री
हे शब्द अंतरीचे # 96
☆ अष्ट-अक्षर… ☆
कृष्णा केशवा माधवा,
आलो शरण रे तुला
नको अंत पाहू देवा
घोर लागला जीवाला…०१
तूच आहे मनोहरा
माझा सदैव कैवारी
नको मला काही दुजे
बहू त्रासलो संसारी…०२
किती जन्म वाया गेले
माझे मला न कळले
गणित अवघड पहा
नाही कधीच सुटले…०३
चालू जन्म माझा कृष्णा
तुझ्या लेखी तो लागावा
राज जीवनातले कठीण
पाव मोहना, समयाला…०४
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
