सौ. स्वाती रामचंद्र कोरे
कवितेचा उत्सव
☆ लाडका बाप्पा… ☆ सौ. स्वाती रामचंद्र कोरे ☆
चौदा विद्या ,चौसष्ट कलांचा अधिपती
सुखकर्ता विघ्नहर्ता ,तू बाप्पा गणपती
स्वागतास दारी, तोरणे सजती
अंगणी सुरेख रांगोळी रेखिती..||१||
घरोघरी सुरू होई लगबग
मखरात विराजमान मूर्ती
निरागस ,गोंडस साजिरे रूप
मनोभावे भक्तगण पूजा करती..||२||
गणापाठोपाठ येई गौराई, मने हर्षती
दारी येताच, भाकर तुकडा ओवाळती
घरी दारी नानापरीने आरास करती
एकवीस मोदकांचा नैवेद्य अर्पिती..||३||
बाप्पा मोरयाच्या गजरात होते आरती
भक्तीभावे सारे तुजला पुजती
गजानन , हेरंब, विनायक नावे तुला किती
परि तू आमचा लाडका,बाप्पा गणपती
बाप्पा माझा मार्गदर्शक ,दिशादर्शक
त्रिखंडात निनादते, नित्य तव कीर्ती
मनमोहक ,निरागस ,गोड गोंडस तुझी मूर्ती
अवघ्या विश्वाचा तू मंगल मूर्ती….||५||
© सौ. स्वाती रामचंद्र कोरे
भिवघाट.तालुका, खानापूर,जिल्हा सांगली
मो.9096818972
