महंत कवी राज शास्त्री
हे शब्द अंतरीचे # 115
☆ सत्यपरिस्थिती… ☆
अध्याय माझा संपेल
मी रुद्र भूमीत असेल
घरी पेटतील चुली
सडा सारवण होईल
जेवायला बसतील सर्व
अश्रू डोळ्यांचे थांबतील
माझ्याच घरातील सर्व
भोजनाचा स्वाद घेतील…
स्वाद घेत घेत भोजनाचा
आग्रह एकमेकांना होईल
रुदन संपेल त्या क्षणाला
कामाला हात लागतील…
हे जीवन क्षणभंगुर
इथे कुणाचे स्थिर ते काय
आला त्याला जावे लागणार
यात आश्चर्य नाय…
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
