श्री रवींद्र सोनावणी
कवितेचा उत्सव
व्यथा… ☆ श्री रवींद्र सोनावणी ☆
जर कळसाला कळले असते
पायाखालील ते एकाकीपण?
खजील झाले असते त्याचे
झपाटलेले ते मोठेपण !
आकाशाला कळली असती
काळ्या भूमातेची महती
आक्रोशून आसवे ढाळणे
वेळ अशी का आली असती
निश्वासांची तशी वेदना
जर श्वासांनी जपली असती?
मला वाटते तर सूर्यावर
नजर शशीची खिळली असती
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
