सौ.मंजुषा सुधीर आफळे
कवितेचा उत्सव 
☆ संघटना… ☆ सौ.मंजुषा सुधीर आफळे ☆
सुविचारी संघटन
यशाचे गमक, सार
ताकदीने पुढे यावा
सृजनांचा कारभार
शिस्त युक्ती सातत्य हा
संघटनेचा प्राण हो
कार्यमग्न सेवेकरी
संघटनेची शान हो
अन्यायाला प्रतिकार
सभासद शिल्पकार
संघटना उत्कर्षात
प्रामाणिक व्यवहार
अविरत ध्यास हवा
नाविण्याचा अंगीकार
संघटन प्रदर्शनी
अप्रतिम अविष्कार
नवनवीन क्षेत्रात
पाऊल पुढे पडावे
संघटनेचे मंत्र ते
विश्वाने हो वाखाणावे
संस्कृतीची जपणूक
सतर्क धर्म रक्षणी
संघटन असावे जे
असेच बहुलक्षणी
जीवन प्रवास होई
संघटनेत सुखाचा
स्वीकारून मार्ग असा
आरंभ व्हावा कार्याचा.
© सौ.मंजुषा सुधीर आफळे
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
