मराठी साहित्य – कवितेचा उत्सव ☆ मराठी भाषा… ☆ श्री रवींद्र सोनावणी ☆

श्री रवींद्र सोनावणी

 कवितेचा उत्सव 

☆ मराठी भाषा… ☆ श्री रवींद्र सोनावणी ☆

नाही कुणी म्हटलंय

खुशाल इंग्रजी शिका

पण असं कुणी सांगितलंय

मराठी बाहेर फेका ?

मराठी मायबोली

तिला मायेचा ओलावा

तिच्या भव्य मंदिराला

नको इंग्रजी गिलावा.

बाळ आई बाबा

हा नात्यामधला गाभा

त्याला डॅडी मम्मी पप्पा

काय आणतील का  शोभा?

शिरा गेला पोहे गेले

तिथे आला पिझ्झा

नूडल्स आणि चायनीज फूड

यातच वाटते मज्जा

शुद्ध स्वच्छ बोला

आणि मराठीच बोला

साऱ्या विश्वामध्ये तिचा

होऊ द्या बोलबाला

© श्री रवींद्र सोनावणी

निवास :  G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५

मो. क्र.८८५०४६२९९३

≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈