महंत कवी राज शास्त्री
हे शब्द अंतरीचे # 137
☆ अभंग – तुझी माझी मैत्री… ☆
तुझी माझी मैत्री, मध गोड जसा
शुभ्र मऊ ससा, आकर्षक.!!
तुझी माझी मैत्री, लोणचे आंब्याचे
सदैव कामाचे, सर्व ऋतू.!!
तुझी माझी मैत्री, चांदणे टिपूर
आहे भरपूर, जागोजागी.!!
तुझी माझी मैत्री, भारी अवखळ
तैसीच चपळ, स्फूर्तिवंत.!!
तुझी माझी मैत्री, अशीच टीकावी
कधी नं सुटावी, मैत्री-गाठ.!!
तुझी माझी मैत्री, नाव काय देऊ
किती सांग गाऊ, मैत्री गीत.!!
तुझी माझी मैत्री, राज हे मनीचे
शब्द अंतरीचे, भावनिक.!!
कवी राज म्हणे, तुझी माझी मैत्री
मज आहे खात्री, सर्वोत्तम.!!
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
