सौ. विद्या पराडकर
कवितेचा उत्सव
☆ 🙏🏻महालक्ष्मी ला निरोप 🙏🏻 ☆ सौ. विद्या पराडकर ☆
अनुराधा नक्षत्रावर गौरीचा आगमन
आनंदाचे,चैतन्याचे घरात वातावरण
जेष्ठा नक्षत्रावर षोडशोपचारे पूजन
आप्त, स्व कीयांना असते आमंत्रण☘️
चंदेरी साडीला सुवर्णाचा काठ
सुवर्ण अंलकारांचा केवढा थाट
गुलाबांच्या फुलांचा कंठी शोभे हार
कमळांच्या फुलांचा वेगळाच बाज☘️
महालक्ष्मीला नैवेद्य दाखवू पुरण पोळीचा
केशरी भात अंबिलीचा
त्यांच्या आवडीचे पदार्थ बनवू
माहेरपण जपण्याकरता काय काय करु☘️
अखेर तिसरा मूळ नक्षत्राचा दिवस उगवला
तीन दिवस पक्ष्याप्रमाणे भुरकंन उडाले
जपून जा गं,फोन करीत जा ग
तिकडे गेली की, तिकडचीच होते गं ☘️
तुमचा अहेर,मावशी,मामांनी घेतलेल्या साडया घेतल्या कां
मुलांची खेळणी,भेटवस्तू घेतली कां
लाडू,करंज्या, अनारसे पुरतील कां ग
इकडली काळजी करु नको गं☘️
किती किती घाई होते ना गं
जातांना दही भात खावून जा ग
हळद कुंकू व ओटी घेवून जा
पुढील वर्षी, यायच बर कां ग ☘️
तुमच्या शिवाय जीवन
म्हणजे पाण्याशिवाय मासा ग
तुम्हाला सतत पहाता यावे म्हणून
मनाच्या कॅमेर्यात बंदिस्त करते ग
© सौ. विद्या पराडकर
वारजे पुणे..मो – ९२२५३३७३३०
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
