मराठी साहित्य – कवितेचा उत्सव ☆ निरोप… ☆ सौ.ज्योत्स्ना तानवडे☆

सौ.ज्योत्स्ना तानवडे

 कवितेचा उत्सव 

☆ निरोप… ☆ सौ.ज्योत्स्ना तानवडे ☆

गणपती गौराईने

घर किती आनंदले

ब्रम्हांडीचे चैतन्य हे

घरामध्ये सामावले ||

गौरी गणेश पुजिले

कृपाप्रसाद लाभला

सालभरची शिदोरी

जीव किती सुखावला ||

जाई कुमती लयाला

चित्तवृत्ती आनंदल्या

प्रेम सख्य जोडूनिया

जपे कुटुंब स्वास्थ्याला ||

गौरी गणेशाची पूजा

केले मंगल औक्षण

सणांचे हे प्रबोधन

समाजहीत रक्षण ||

निरोप हा गौराईला

संगे निघे गणपती

मन जडावले फार

डोळे भरूनिया येती ||

☆

© सौ.ज्योत्स्ना तानवडे

वारजे, पुणे.५८

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈