श्रीशैल चौगुले
कवितेचा उत्सव
☆ अंतरित…! ☆ श्रीशैल चौगुले ☆
☆
कुठे मन भटकते
उगी भाव अटकते
शोधताना एक संग.
चाले जीव एकट्याने
नको वाटे मुकाट्याने
अनुभवी व्हावे रंग.
अशी वाट जगताना
माझे मज बघताना
अंतरित पांडुरंग.
ध्वनी नाद अंतर्ज्ञानी
तोच सखा क्षणोक्षणी
घाली साद सत् संग.
वेध लागे कैवल्याचे
तारे तृष्णा चकोराला
चंद्र पुर्णांग अभंग.
☆
© श्रीशैल चौगुले
मो. ९६७३०१२०९०.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
