सुश्री वर्षा बालगोपाल
चित्रकाव्य
ये की रे जरा… सुश्री वर्षा बालगोपाल ☆
☆
माकडा माकडा कर हुपहुप
ये जरा खाली खेळू खूपखूप
☆
तुझी आई गेली सोडून तुला
माझी आई पण गेली कामाला
दोघे आपण मित्र नको गुमान गुप
ये जरा खाली खेळू खूपखूप ॥
☆
येताना जरा तू चिंचा ये घेऊन
मी पण आणले आहे एक केळ घरून
दोघे मिळून खाऊ, बाकीच्यांना टुकटुक
ये जरा खाली खेळू खूपखूप ॥
☆
आपण दोघे एक झालो बाकिचे बघतात
आपल्या गोड मैत्रीला उगाचंच हसतात
हसले तर हसू दे पण भेटत राहू गुपचुप
ये जरा खाली खेळू खूपखूप ॥
☆
तू माझा हनुमंत मी तुझा राम
अशी मैत्री नसते कुणाची त्यांना असते काम
नात्यात श्रेष्ठ नाते हे मैत्रीचे लोणकढी तूप
ये जरा खाली खेळू खूपखूप ॥
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
