श्री सुहास सोहोनी
कवितेचा उत्सव
☆ जिथे… ☆ श्री सुहास सोहोनी ☆
प्रेमाचा बोल नाही,
ममतेला मोल नाही,
कपाळाला आठि तिथे
जावे कशाला ?
ममतेला थारा नाही,
आदराचा वारा नाही,
आस्थाहीन घरांत त्या,
रहा कशाला ?
संवादाला जागा नाही,
कलहाला अंत नाही,
दुस्वासाचा ढोल तेथे,
ऐका कशाला ?
अंतरीची ओढ नाही,
मायेची ओल नाही,
नात्याचे नाटक तिथे,
करा कशाला ?
देव्हार्‍यात देव नाही,
भक्तीचा भाव नाही,
मुक्या मूर्तिला फूल,
वाहू कशाला ?
😟😟
© सुहास सोहोनी
रत्नागिरी
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
