कविराज विजय यशवंत सातपुते
कवितेचा उत्सव # 208 – विजय साहित्य
☆ लतावेल ही… ☆ कविराज विजय यशवंत सातपुते ☆
☆
आठवणींची लतावेल ही,अंतरातले जीवन गाणे
नऊ दशकांचे नवरस ,स्वर सुरात रंगून जाणे…||धृ.||
*
एक सहस्र, गीते गायन, हिंदी संगीत विश्वात ठसा,
गानकोकिळा,पार्श्वगायिका,सप्तसुरांचा संगीत वसा
वय तेराचे, उदया आली, स्वरयोगिनी, सूर दिवाणे…||१.||
*
शफी मौलवी, गुरू जाहले, उच्चार कलेची, श्वाससुता
आशा,उषा, मीना,स्वरशाखा, ह्रदयनाथ, भावंडलता
मोगरा फुलला, लतादीदी, अजरामर सुवर्ण नाणे…||२.||
*
शैली आगळी, शारद वाणी, गंधार स्वरयात्रा विरली
वसंत वैभव,गानलता, संगीत क्षेत्री ,ह्रदी ठसली
कल्पवृक्ष कन्येसाठी बाबा,दिनानाथ हे श्वास तराणे..||३.||
*
बोल गीतांचे,अभिजात ते, भारतीयांचा स्वर सन्मान
मंगळा गौर,गीत पहिले, वर्षाव स्वरांचा ,कंठस्नान
मनात माझ्या,पिढ्या पिढ्यांचे,रत्न भारताचे,दैवी गाणे..||४.||
☆
© कविराज विजय यशवंत सातपुते
सहकारनगर नंबर दोन, दशभुजा गणपती रोड, पुणे. 411 009.
मोबाईल 8530234892/ 9371319798.
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
