सुश्री दीप्ती कुलकर्णी
कवितेचा उत्सव
☆ नातेसंबंध… ☆ सुश्री दीप्ती कुलकर्णी ☆
☆
नाते असे ग सुंदर
त्याला मायेचा पदर
माय-लेकीचे सुंदर
त्याला ममतेचे अस्तर
*
बाप-लेकाचे ते नाते
ठरतसे जे अनमोल
भाऊ-बहिणीचे नाते
माया पाझरते खोल
*
काका-मामांचे ते नाते
मना सादही घालते
आत्त्या -मावशीचे नाते
जवळीक ग साधते
*
स्वकियांचे असे नाते
बोलविता साथ देते
स्वकियांच्या ही सवे ते
परकियांशी जुळते
*
नाते-गोते ते जुळते
सर्वा बद्ध ते करिते
सर्वा पलिकडे असे
मानवतेचे ग ते नाते
*
नाती-गोती ही जपता
होऊ जगी भाग्यवंत
एकी साधत-साधत
होऊ आम्ही यशवंत ||
☆
© सुश्री दीप्ती कोदंड कुलकर्णी
हैदराबाद.
भ्र.९५५२४४८४६१
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
