श्री रवींद्र सोनावणी
कवितेचा उत्सव
☆ आदरांजली… ☆ श्री रवींद्र सोनावणी ☆
☆
चिखलगावच्या चिखलामध्ये
कमल उगवले नितांत सुंदर
गंगाधरसुत बाळ टिळक हा
किर्ती जयाची गेली दिगंतर
*
नरशार्दूल तो गर्जून उठला
शासन इंग्रजी थरथरले
घणाघाती शब्दांच्या मधुनी
सत्तेला आव्हान दिले
*
स्वराज्य हा तर हक्कच माझा
तो मी अवश्य मिळवीन
खुशाल द्या मज घोर यातना
मी त्या हासत सोशीन
*
द्रोही ठरवून त्यास धाडिले
कारागृही मंडालेला
गीतारहस्य ग्रंथ पूजनीय
बंदिवान असूनी लिहला
*
लोकमान्य स्पर्शाने अवघी
भूमि पावन झाली इथे
त्या लढवय्या वीरापुढती
मस्तक हे माझे झुकते
☆
© श्री रवींद्र सोनावणी
निवास : G03, भूमिक दर्शन, गणेश मंदिर रोड, उमिया काॅम्पलेक्स, टिटवाळा पूर्व – ४२१६०५
मो. क्र.८८५०४६२९९३
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
