सुश्री शीला पतकी
कवितेचा उत्सव
☆ “पांडुरंग दिसला…” ☆ सुश्री शीला पतकी ☆
☆
पांडुरंगा विठ्ठला हरी धावरे तू धावरे/
हाक देतो तुझे कृपाळा पाव हरी तू पाव रे /
आणि येतो भेटण्याला वारी संगे आज मी/
शक्ती दे मज पावलांना पाव हरी तू पाव रे //
*
टाळ वाजे वीणा वाजे वाजे मृदंग /
नाव हरीचे सर्व मुखी अन चिंतनात दंग/
पायाखालचा रस्ता होतो अवघे पंढरपूर/
भेटेन केव्हा हरी रे माझा मनातही हुरहुर //
*
वारकरी बुक्का टिळ्यातील तूच भासे रे हरी/
तो मला अन मी तयाला आज होतो माऊली/
सारे मागे सारुनी तव भेटण्या मी चाललो /
दर्शनाची ओढ देवा दाव मुख तू दाव रे /
*
हरिपाठ तो भजन प्रवचन चाले हो वारी /
प्रत्येकाच्या नेत्री दिसतो तूच रे श्रीहरी/
आभाळातून तूच बरसतो मायेचा धागा /
आणि होते त्याचीच मगरे नदी चंद्रभागा //
*
आली आली पंढरीही कळसही तो दिसला/
पाय धुते चंद्रभागा देव मनी हसला/
मंदिरी मूर्ती तुझी पाहून मीही हरखलो/
चरणी माता टेकला अन तृप्त मी ही जाहलो //
*
वारी आता पोहोचवली मी नको येरझाऱ्या/
जन्म मृत्यूच्या नकोच आता नकोच रे वाऱ्या /
मुखी माझ्या सतत असावे नाव तुझे देवा /
टाळ वीणा मृदुंग चिपळ्या गजर मनी होवो//
*
देवा गजर मनी होवो देवा गजर मनी होवो
पांडुरंग पांडुरंग पांडुरंग……..!
☆
© सुश्री शीला पतकी
माजी मुख्याध्यापिका सेवासदन प्रशाला सोलापूर
मो 8805850279
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
