मराठी साहित्य – कवितेचा उत्सव ☆ पाऊस… ☆ श्री अनिल वामोरकर ☆

श्री अनिल वामोरकर

अल्प परिचय 

वय ७१
कथा कविता लेखनाचा छंद.
एकत्र कुटुंब. प्रायव्हेट कंपनीत सेल्समन होतो. २०११ ला निवृत्त झालो.

 कवितेचा उत्सव 

☆ पाऊस … ☆ श्री अनिल वामोरकर ☆

☆

गरजतात ढग

बरसतात सरी

अवनीच्या गाली

आली बघ लाली..

*

लपंडाव चाले

रवी अन् कुट्ट मेघांचा

हार जीत नसते

खेळ ऊन सावल्यांचा..

*

नेसून शालू हिरवा 

नदीचा तिज किनार

लाजून चूर धरित्री 

नाचे जणू नवनार..

*

गंधाळलेला वारा

रिमझिम ती झड 

नवपरिणीत जणू

लपे झाडाआड…

*

मनमोर नाचे

हर्षित होऊन 

नको जाऊस रे गड्या

तू तर माझा साजण..

☆

© श्री अनिल वामोरकर

अमरावती

≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈