मराठी साहित्य – कवितेचा उत्सव ☆ बुद्धी दाता आणि ज्ञान दाता ! ☆ श्री प्रमोद वामन वर्तक ☆

श्री प्रमोद वामन वर्तक

 कवितेचा उत्सव  

☆ बुद्धी दाता आणि ज्ञान दाता !. ☆ श्री प्रमोद वामन वर्तक ☆

☆

साम्य वाटले मजला 

PC आणि गणेशात,

सांगतो समजावून कसे 

धरा तुम्ही ते ध्यानात !

 साऱ्या विश्वाची खबर

 लंबकर्ण कानी आकळे,

 साठवी माहिती जगातून

 PCचे इंटरनेट जाळे !

सोंड मोठी वक्रतुंडाची

करी दुष्टांचे निर्दालन,

अँटीव्हायरस करतो 

स्व जंतूचे स्वतः हनन !

 ठेवी लंबोदर उदरात

 भक्तांच्या पाप पुण्याला,

 PCची हार्डडिस्क पण 

 येते ना त्याच कामाला ?

येई स्वारी गजाननाची

मूषक वाहना वरुनी,

PCचा माऊस पण चाले

एका चौकोनी पॅडवरुनी !

.

पण

.

भले भले भरकटती

PCच्या मोह जालात,

एकच गणेश बुद्धिदाता

ठेवा कोरून हृदयात !

ठेवा कोरून हृदयात !

☆