मराठी साहित्य – कवितेचा उत्सव ☆ जीवन यज्ञ… ☆ प्रा. सौ. सुमती पवार ☆

☆ जीवन यज्ञ… ☆ प्रा. सौ. सुमती पवार ☆

☆

प्रतिभेच्या स्पर्शाने या माणूस सुज्ञ होतो

सुज्ञ होताच माणूस यज्ञ जीवनाचा होतो..

सुविचार समिधा समिधा ह्या विवेकाच्या

विवेकाच्या संपर्कात यज्ञ सफल हा होतो..

*

मन स्थिरावते जागी बनू पाहते ते योगी

दिसू लागे “तो” सामोरी देह कामक्रोध त्यागी

त्यागातच लाभे सुख सुख परमानंदच

ब्रह्मानंदी लागे टाळी आनंदच देहा लागी…

*

भवसागर सुटता माया मोह तो आटता

पैलतीरी उभा दिसे जगताचा तो नियंता

डोळे निवती पाहून मन विलिनच होई

विलयात समाधान वाटते रे भगवंता…

☆

© प्रा.सौ.सुमती पवार