म. ना. दे. (श्री मयुरेश देशपांडे)
कवितेचा उत्सव
☆ गरीबाघरली दिवाळी… ☆ म. ना. दे. (श्री मयुरेश देशपांडे) ☆
☆
चार भिंतींचं गं घर
नाही महालाची सर
सारावता साऱ्या भिंती
येई सणाचा बहर
*
दारी सजता रांगोळी
पोरं धरतील फेर
दोन पणत्या उंबरी
उजळती दिशा चार
*
गेल्या वर्षीचा कंदील
धुळ त्यावर जमली
हात मायेचा फिरता
त्यात चांदणी खुलली
*
कोण देईल चिवडा
कोण देईल चकली
लाडू पोळीचा खाताना
पोरं माझी आनंदली
*
घेता सफाईची कामं
दोन पैका मिळे ज्यादा
यंदा केला आहे पोरा
नव्या कपड्यांचा वादा
☆
कवी : म. ना. देशपांडे
(होरापंडीत मयुरेश देशपांडे)
+९१ ८९७५३ १२०५९
https://www.facebook.com/majhyaoli/
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
