महंत कवी राज शास्त्री
हे शब्द अंतरीचे # 193
☆ अभंग…☆ महंत कवी राज शास्त्री ☆
☆
जरासे वेगळे, लिखाण करावे
प्रवृत्त करावे, स्वतःलाचि.!!
म्हणोनि लेखणी, प्रसवली हाती
शब्दाकृती मोती, सोडण्याला.!!
*
भोगिले जीवन, तृप्ती नाही आली
तृष्णा न शमली, या जीवाची.!!
हावरट वृत्ति, भोगण्याची हाती
निवृत्त प्रवृत्ति, नचं याची.!!
*
कलंकित भोग, काय हो कामाचा
देवळा देवाचा, नचं दिसे.!!
मलिन हे मन, पडलिया भ्रांती
शांततेच्या वाती, अंधारात.!!
*
मनः शांतीसाठी, चिंता नको आता
चित्ताची स्थिरता, फक्त हवी.!!
कवी राज म्हणे, याची देही स्पुरो
मागे काही नुरो, अलिंबन.!!
☆
© कवी म.मुकुंदराज शास्त्री उपाख्य कवी राज शास्त्री
श्री पंचकृष्ण आश्रम चिंचभुवन, वर्धा रोड नागपूर – 440005
मोबाईल ~9405403117, ~8390345500
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ.गौरी गाडेकर≈
