प्रा. भरत खैरकर
कवितेचा उत्सव
☆ “व्यथापाचोळा…” ☆ प्रा. भरत खैरकर ☆
☆
क्षणभर आयुष्याची
द्यावी कोणी ग्वाही
पसाभर चांदण्या साठी
हंबरती दिशा दाही
*
मातीच्या गर्भात रुजावे
डोळ्यातील पिक
सुगंधित फुले व्हावी
जख्मा प्राणांतिक
*
स्वातीचा थेंब पडावा
अवचित शिंपल्या माजी
आयुष्य सफल जेधवा
मोती थेंबाचा साजी
*
मुग्ध उडावे स्वप्न पाखरू
क्षितीजाच्या पलीकडे
कलत्याक्षणी आयुष्याच्या
व्यथेचे व्हावे पाचोळे
☆
© प्रा. भरत खैरकर
संपर्क – बी १/७, काकडे पार्क, तानाजी नगर, चिंचवड, पुणे ३३. मो. ९८८१६१५३२९
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
