मेहबूब जमादार
कवितेचा उत्सव
☆ रस्ता… ☆ 
मेहबूब जमादार ☆
☆
सायंकाळी काम संपताच घरी येतो मी
आपल्या गावच्या मातीत हर्षभरीत होतो मी
*
माहित आहे उन्हात पायाला बसती चटके
तरी मला कळत नाही का बरे तेथे जातो मी
*
बऱ्याच वेळा असहकार भांडतो मी दुसऱ्याशी
काही वेळा माझ्या सावलीला का बरे भीतो मी
*
तसा जगतो मी जीवनात अगदीच धाडसाने
तरी ही ऐनवेळी निर्णयात का बरे चुकतो मी
*
मला जायचे ठरवतो आणि तसाच निघतो मी
हे सारे कळत असता का बरे रस्ता चुकतो मी
*
जगताना ब-याच गोष्टींनी त्रासावून जातो मी
सारे समजूनही तडजोड का बरे करतो मी
☆
© मेहबूब जमादार
मु. कासमवाडी,पोस्ट -पेठ, ता. वाळवा, जि. सांगली
मो .9970900243
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
