श्री प्रमोद वामन वर्तक
कवितेचा उत्सव
मै त्री! 
श्री प्रमो वामन वर्तक 
☆
रंग नसतो मैत्रीला
तरी असते रंगीत,
सूर जुळता मैत्रीचे
वाजे स्वर्गीय संगीत!
*
चेहरा नसतो मैत्रीला
तरीही असते सुंदर,
तारा जुळता मैत्रीच्या
उघडे हृदयाचे दार!
*
नसतात कधी मैत्रीत
अटी आणिक वचने,
मैत्री जपतांना हवीत
फक्त स्वच्छ दोन मने!
*
घर नसले जरी मैत्रीला
फिकीर ना तिला फार
मैत्री जपता विश्वासाने
करून राहे ह्रदयी घर! 
करून राहे ह्रदयी घर!
☆
© श्री प्रमोद वामन वर्तक
संपर्क – दोस्ती इम्पिरिया, ग्रेशिया A 702, मानपाडा, ठाणे (प.) – 400610
मो – 9892561086 ई-मेल – pradnyavartak3@gmail.com
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
