मराठी साहित्य – कवितेचा उत्सव ☆ गझल पंचमी… ☆ श्री विनायक कुलकर्णी ☆

श्री विनायक कुलकर्णी

 कवितेचा उत्सव  

☆ गझल पंचमी… ☆ श्री विनायक कुलकर्णी ☆ 

[वृत्त..आनंदकंद]

☆

गाता मला न आले घेऊन ताल गेले

आले नवे गुलाबी इरसाल साल गेले

*

खोट्यास मी म्हणालो खोटे कुठे बिघडले

देऊन दोष मजला फुगवून गाल गेले

*

राबून पाहिले पण फळ नेमके मिळेना

गाभा कुणी हडपला ठेवून साल गेले

*

काळापुढे कुणाचा काही उपाय नाही

रेट्यात त्या क्षणांच्या कित्येक लाल गेले

*

उधळावयास माझ्या अटकाव खास होता

तट्टू म्हणून मजला ठोकून नाल गेले

☆

© श्री विनायक कुलकर्णी

मो – 8600081092

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈