मराठी साहित्य – कवितेचा उत्सव ☆ मैत्र ☆ श्री शरद कुलकर्णी
☆ कवितेचा उत्सव ☆ मैत्र ☆ श्री शरद कुलकर्णी☆
व्यक्त हो,
मुक्त कर,
मनात भरून आल्या मेघांना,
कोंडलेल्या वादळांना,
थिजलेल्या वीजांना,
बंदिस्त पावसाला.
माझ्या भरभरून मजकूराच्या पत्रावर
ओघळू दे,बंद पापणीतला-
एक तरी थेंब.
वाहून जाऊ दे शब्दशब्द.
असंबद्ध सैरभैर कविता.
नाहीतरी मन म्हणजे काय..
न लिहीलेल पत्र,
किंवा अव्यक्त मैत्रच ना ?
© श्री शरद कुलकर्णी
मिरज
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈