श्रीशैल चौगुले
☆ कवितेचा उत्सव ☆ वसंत सांज… ☆ श्रीशैल चौगुले ☆
झुकते आभाळ जिथे
घरटे असती माझे
मावळ दिशा मैफल
मनात स्मृतींची मौजे.
हळु सप्तक वसंत
हृदया देई ऊसंत
झुळूक गारवा स्पर्श
वायू भावगीत वाजे.
समुद्र किनारी गाज
अगंतुक झाके लाज
पसरुन पंख नभ
कुसूम ललाटी साजे.
क्षणिक सुखावा नेत्री
ओलावा दवाचे थेंब
पापण्या वेलींचे पर्ण
सजून सांज विराजे.
© श्रीशैल चौगुले
९६७३०१२०९०
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
