सुश्री दीप्ती कुलकर्णी
☆ कवितेचा उत्सव ☆ तेजस्विनी की…. ☆ सुश्री दीप्ती कुलकर्णी ☆
रुपवंत, शीलवंत
स्त्री ही अशी बुद्धिमंत
स्वतःसवे घरादारा
बनविते नीतीमंत
ती शिकते
शिकवतेही तीच
बछड्यांच्या संगोपना
ती तर नित असे दक्ष.
ती कधी घडी बसवी
मार्गी लावी द्रष्टी होत.
अशी ही स्त्री स्वतः जळत
दीपदान करी सतत
घोर तमा दूर नेत
तेजस्विनी ठरे लखलखत.
स्त्री अशीही
शिक्षणापासून वंचित
डोक्यावर छत्र नसलेली
अब्रू लक्तरात झाकलेली
समाजातील कावळ्यांच्या
नजरापासून लपणारी
क्षणोक्षणी ठेच खात
कसंबसं सावरणारी
झाशीची राणी तीच
आजही अबलेचं जिणं
जगणारी तीच.
स्त्री अशी -स्त्री कशी ?
© सुश्री दीप्ती कुलकर्णी
कोल्हापूर
≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
