श्रीशैल चौगुले
☆ कवितेचा उत्सव ☆ जन्मरास ☆ श्रीशैल चौगुले ☆
कृष्ण रंगवून गेला मधुवन
अन् कायेवर ओघळले घन.
गौळणीही नाचू लागल्या गोकूळी
राधा बेभान हरले तन-मन.
सप्तरंग तालावर थेंब-थेंब
कृष्णाच्या गालावर प्रेमव्रण.
वृक्ष-लता पुलकीत तरुवर
स्वर्गासमच फुलले वृंदावन.
मायेत-रंगूनी धरती भिजली
यमुनेच्या जळी संभार संपन्न.
आत्मभान विसरुन नाचे भक्ती
मुक्त भावना अर्पून हे जीवन.
अशी श्रेष्ठ लिला भगवंतांची
भक्तीमय बासरी शाम सदन.
© श्रीशैल चौगुले
९६७३०१२०९०
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
