कवितेचा उत्सव
☆ तू अन् मी ☆ श्री शरद कुलकर्णी ☆
तू व्यक्त रंगात
रेखीव तुझी रांगोळी.
मी शब्द शब्द अव्यक्त
हरवून मला धुंडाळी.
तू स्थिर नदीचा काठ
मी अस्थिर खवळली लाट
तू अथांग वाहती सरिता
मी फसलेली एक कविता .
तू स्वप्न नभाचे थोर
स्वच्छंदी स्वैर पाखरु
बुजुर्ग सहनशील उरलो
मी पानगळीचा तरु.
© श्री शरद कुलकर्णी
मिरज
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
