श्रीमती उज्ज्वला केळकर
कवितेचा उत्सव
☆ श्रृंगार ☆ श्रीमती उज्ज्वला केळकर ☆
धरती न्हाती-धुती झाली
साज – शृंगार ग केला
घारा-धारांच्या हातांनी
मेघ कवळितो तिला
मेघ कवळितो तिला
स्वप्न उरात रुजले
तिच्या कुशीतूनी मग
रुजवण उगवले
रुजवण उगवले
गंधवार्ता दर्वंळली
धरित्रीच्या आंगोपांगी
साय सुखाची दाटली.
साय सुखाची दाटली.
मोती-दाणे कणसात
हिरव्या राव्यांचा ग थवा
आला उडत उडत
धरतीच्या ग ओठातून
हसू तृप्तीचे सांडले
तृप्त माणसे, तृप्त पक्षी
तृप्त चराचर झाले.
© श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
