सौ. विद्या वसंत पराडकर
कवितेचा उत्सव
☆ ?।दीपावली।? ☆ सौ. विद्या वसंत पराडकर ☆
आनंदाच्या सौंदर्य लेण्यांनी
नटली सजली दीपावली
प्रतिकूलतेवर मात करूनी
विजयी झाली दीपावली ।१।
भ्रष्टाचारांच्या दुर्गुणांचा
नरकासूर मारून
करुया अभ्यंग स्नान
मांगल्याने सजवू बघा दीपावली|२|
सद्गुणांचे दीप लावून
करु या लक्ष्मीपूजन
असमानतेचा अंधकार दूर सारून
समानतेच्या सुरेखा रंगांनी सजवू दीपावली।३।
बलीराजाच्या औदार्यांने
बलीप्रदा बघ आनंदली
भाऊ बहिणीच्या अतूट नात्याने
हासरी भाऊबीज , नाचली दीपावली |४|
स्वागताची रा॑गोळी
पहा किती हर्षली
र॑गीत दिव्यांनी घरे कशी शोभली
मयूर पंख लेवून आली सखी
दीपावली |५|
गोड तिखटाचा संगम झाल
जणू श्रीमंत गरीबांचा मेळ झाला
करंजी ची चंद्रकोर सर्वांना भावली
समानतेची जणू आली दीपावली |६|
प्रकाशाचा सण हा भारी
अंधकार सारा दूर करी
सत्यम् शिवम् ने कशी फुलली
तेजोमय ही आली दीपावली|७|
© सौ. विद्या वसंत पराडकर
पुणे.
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
