सौ. सुचित्रा पवार
कवितेचा उत्सव
☆ नभीचा चंद्रमा… ☆ सौ. सुचित्रा पवार ☆
नभीचा चंद्रमा मज आता भुलवत नाही
चांदणेही मनात आज हसत नाही
फुललेला मोगरा आता ताजा भासत नाही
बकुळीच्या सुकण्याचाही अर्थ लागत नाही
वारा आज मनात कुजबुजतो काही
संदर्भ देतो जुन्या आठवणींचे काही
दाट धुके अंधाराचे शुक्र त्यास वाट देत नाही
सर ओली पावसाची आता मला भिजवत नाही
© सौ.सुचित्रा पवार
तासगाव, सांगली
8055690240
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
