कवितेचा उत्सव
☆ आताशा… ☆ श्री शरद कुलकर्णी ☆
धुंद धारांचा मनस्वी ,
जोरही सरला आताशा.
बेधुंद नाचणारा मनीचा,
मयूरही थकला आताशा .
क्षीण झाले चांदणे अन्
चंद्रही लोपला आताशा .
जीर्ण झावळ्यांचे कवडसे ,
वृक्षही झुकले आताशा .
लुप्त झाली पाखरे,
हरवले वारे आताशा .
नभ झाले निरभ्र सारे,
नीरदही गुप्त आताशा .
© श्री शरद कुलकर्णी
मिरज
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
