☆ कवितेचा उत्सव ☆ गनीम ☆ श्री शरद कुलकर्णी ☆
स्पर्धा जगण्याची ही,
की संघर्ष म्हणावे याला.
बनाव युद्धाचा जर हा,
मग मोल काय लढण्याला?
जिंकलो हरुन कितीदा ,
अन् जिंकुनी हरलो होतो.
अर्थहीन विसंगतीने तरीही ,
युयुत्सुच ठरलो होतो.
उशिराने थोड्या कळले,
जो अनर्थ घडला होता.
माझ्यातच खोल लपूनी,
गनीम दडला होता.
© श्री शरद कुलकर्णी
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित ≈
