मराठी साहित्य – कवितेचा उत्सव ☆ ईमान ☆ श्री शरद कुलकर्णी

☆ कवितेचा उत्सव ☆ ईमान ☆ श्री शरद कुलकर्णी☆ 

येवो मरण कधीही,

निघो कधीही फर्मान,

शब्दांशी ईमान,

असो देवा./

देण्या हयात दाखले,

ठरो लिखाण पुरेसे,

एरव्हीचे जिणे,

परिशिष्ट/

काही संकल्प-विकल्प,

बाकी उमर अत्यल्प,

कवी म्हणून ओळख,

राहो नित्य/

करा झणी अवलंब,

नको उगाच विलंब,

भरा अनुशेष,

दयाघना/

©  श्री शरद कुलकर्णी

 ≈ ब्लॉग संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित  ≈