सौ. जयश्री पाटील
कवितेच्या उत्सव
☆ रूप ग्रीष्माचे… ☆ सौ. जयश्री पाटील ☆
चैत्र वैशाख महिन्यात
सूर्याची प्रखर उष्णता
रात्र छोटी दिवस मोठा
ग्रीष्माची चाहूल लागता
आग ओकतो नारायण
वाढे पृथ्वीचे तापमान
झळा घेऊनी येतो वारा
ग्रीष्माचे होता आगमन
रंगीत फुलांचे ताटवे
सुगंधाचा दरवळ
कोवळी पालवी फुटते
कुहू कुहू गातो कोकिळ
आम्रतरू मोहरतात
गुलमोहर बहरतो
देतात सावली थंडावा
अंगणी मोगरा फुलतो
ग्रीष्माचे रूप मनोहर
येतो रंगीत रूप घेऊन
रणरणत्या उन्हातही
पावसाची आस ठेवून
© सौ. जयश्री पाटील
विजयनगर.सांगली.
मो.नं.:-8275592044
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈