चित्रकाव्य
पाऊलखुणा… (विषय एकच… काव्ये दोन) ☆ श्री आशिष बिवलकर आणि सुश्री निलांबरी शिर्के ☆
☆
श्री आशिष बिवलकर
– पाऊलखुणा… – ☆ श्री आशिष बिवलकर ☆
( १ )
हातात हात तुझा,
करू सोबत जीवनाचा प्रवास !
हृदयावर कोरले नाव तुझे,
रम्य वाटतो तुझा सहवास !
☆
श्वासात माझ्या,
दरवळे तुझाच गंध !
स्वर्गीय सुखासारखे,
तुझ्या प्रीतीचे मर्मबंध !
☆
फेसळणारा विशाल सागर,
तुझ्या माझ्या प्रीतीची देतोय साक्ष !
अथांगता त्याची हृदयात,
तुझ्या प्रीतीतच दिसतो मज मोक्ष !
☆
तुझ्या माझ्या पाऊलखुणा,
या लाटा सहजच पुसतील !
मनातल्या गाभाऱ्यात सदैव,
आपल्या प्रेमाचे ठसे दिसतील !
☆
चिरंजीवी असू दे,
आपल्या प्रेमाची कहाणी !
माझ्या हृदयाचा तू राजा,
तुझ्या ह्रदयाची मी राणी !।
☆
© श्री आशिष बिवलकर
बदलापूर
मो 9518942105
☆☆☆☆☆
सुश्री नीलांबरी शिर्के
– पाऊलखुणा… – ☆ सुश्री नीलांबरी शिर्के ☆
( २ )
हातात हात आश्वासक साथ
न बोलता कळते काय मनात
जोडीने पावलाचे ठसे उठती
ओलसर वाळूत सागर काठात —
☆
लाटा गाजेच गीत गात येतील
पाऊल खुणांना सवे नेतील
रोज समूद्राच्या गाजेमधून
आपल्या प्रेमाचे गीत गातील —
☆
अथांग सागर असंख्य लाटा
त्यात आपला तरलसा वाटा
लाटा ,सागर ,रेती ,किनारा
आपल्या आनंदाच्या पेठा —
☆
© सुश्री नीलांबरी शिर्के
मो 8149144177
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
