सुश्री वर्षा बालगोपाल
चित्रकाव्य
राममय … सुश्री वर्षा बालगोपाल ☆
☆
पणतीच्या नावेमधूनी फुलवातरूपी राम जाणार
नाव सुगंधी करण्यासाठी गुलाबपाकळ्या अंथरणार ||
*
प्रत्येकाच्या मनात राम प्रत्येकाची नाव वेगळी
नावा तरंगती शरयू वरती वाटे अवघी अयोध्या सजली
राम नामाने पुण्य पदरी नाव सुखरूप पार होणार
नाव सुगंधी करण्यासाठी गुलाबपाकळ्या अंथरणार ||
*
कोण शबरी आली आहे पाहुनी तिजला आज वाटे
कानात खोऊनी गुलाब पुष्पे तपासले नाहीत काटे
पदस्पर्शाने रामाच्या मनशीळेची अहिल्या होणार
नाव सुगंधी करण्यासाठी गुलाबपाकळ्या अंथरणार ||
*
आज संपला वनवास वाटे आज राम परतणार
सेवा माझी छोटीशी मरूत भाग्य लाभणार
राममय मी मन मंदिरी राम वसणार
नाव सुगंधी करण्यासाठी गुलाबपाकळ्या अंथरणार ||
☆
© सुश्री वर्षा बालगोपाल
मो 9923400506
≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
