सुश्री प्रभा सोनवणे
कवितेच्या प्रदेशात # 257
☆ ओझी… ☆ सुश्री प्रभा सोनवणे ☆
☆
सारी ओझी जड झाली
नाती कशी निभवावी
कुणी कुणाला टाळावे
कुठे जत्रा भरवावी ?
*
संग अंसगाशी नको
असे सांगती नावाला
जिथे जायचे नसते
येतो तरी त्या गावाला
*
जगण्याच्या असोशीला
काय समजावे आता
माथी ओझी जड झाली
यश का येईना हाता
*
सांजवेळ आयुष्याची
रम्य असो भगवंता
डोई वरची ही ओझी
कशी उतरावी आता ?
☆
© प्रभा सोनवणे
संपर्क – “सोनवणे हाऊस”, ३४८ सोमवार
पेठ, पंधरा ऑगस्ट चौक, विश्वेश्वर बँकेसमोर, पुणे 411011
मोबाईल-९२७०७२९५०३, email- [email protected]
≈संपादक – श्री हेमन्त बावनकर/सम्पादक मंडळ (मराठी) – सौ.उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈
छान कविता