श्री अशोक श्रीपाद भांबुरे
पेच आहे (प्रस्तुत है श्री अशोक श्रीपाद भांबुरे जी की एक भावप्रवण कविता । )
का तडकली काच येथे ?
आरशाला जाच येथे
भास्करा तू दूर तेथे
जाळते मज आच येथे
सांग मी बोलू कशाला
मौन माझे वाच येथे
चाकरी देवा तुझी ही
का स्विकारू लाच येथे ?
चार बोटे स्वर्ग उरला
का रडावी टाच येथे ?
स्वर्गलोकी पुण्य न्या हो
पाप फेडा ह्याच येथे
मोह माया सोडवेना
पेच आहे हाच येथे
© अशोक भांबुरे, धनकवडी
धनकवडी, पुणे ४११ ०४३.
मो. ८१८००४२५०६, ९८२२८८२०२८
