मराठी साहित्य – मराठी कविता – ☆ पहिली नेत्र पल्लवी. . . ! ☆ – कविराज विजय यशवंत सातपुते

(प्रस्तुत है  कविराज विजय यशवंत सातपुते जी  द्वारा   रचित  एक भावप्रवण कविता )

☆ पहिली नेत्र पल्लवी. . . ! ☆

(लिनाक्षरी.)

नेत्र पल्लवी पहिली फुलारली

भावनेचा चैत्र तेथे विसावली.

भेटायचे दिले निमंत्रण खासे

नेत्रपल्लवी सावध टाकी फासे.

खेळ चालला युगायुगांचा छंद

दोन मनांचे , भावप्रीतीचे बंध.

आहे अवखळ ,नजरेची भाषा

जाते सांधत , प्रेम प्रीतीच्या रेषा .

एक असावी, उरात दैवी जागा.

नेत्र पल्लवी, हाच प्रीतीचा धागा.

क्षणी वेचले, नेत्र पल्लवी, लेणे

आठवणी या, तव ह्रदयाचे,  देणे.

© विजय यशवंत सातपुते

100 ब दीपलक्ष्मी सोसायटी, सहकार नगर नंबर 2, दशभुजा गणपती रोड, पुणे. 411 009.

मोबाईल  9371319798.