श्री अमोल अनंत केळकर

 

? वाचताना वेचलेले ?

☆ ‘चला बदडू या डॉक्टरला…’ –  कवी – डॉ. सुरेन्द्र पिसाळ ☆ प्रस्तुती – श्री अमोल अनंत केळकर ☆

खराब रस्ते

बेफाम वेग

झाले अपघात

माणूस मेला हाँस्पिटलला

चला बदडू या डॉक्टरला

 

प्रदूषण किती

वाटते भीती

श्वास कोंडला

माणूस मेला हॉस्पिटलला

चला बदडू या डाॅक्टरला

 

फिरायला गेले

मिळेल ते खाल्ले

फूड पॉयझन झाले

माणूस मेला हॉस्पिटलला

चला बदडू या डॉक्टरला

 

पाऊस पडला

मच्छर चावले

डेंग्यू झाला

माणूस मेला हॉस्पिटलला

चला बदडू या डॉक्टरला

 

अकार्यक्षम आरोग्ययंत्रणा

बेभरंवशी सरकारी व्यवस्थापन

तातडीच्या सुविधांचा अभाव

माणूस मेला हॉस्पिटलला

चला बदडू या डॉक्टरला

 

पैसा अपुरा

आरोग्यसेवा मोफत

कसंही जगायचं आहे

माणूस मेला हॉस्पिटलला

चला बदडू या डॉक्टरला

 

चूक कोणाचीही असो

केले कुणीही असो

डॉक्टरने ताटावरून हवं उठायला

तरीही माणूस मेला हॉस्पिटलला

चला बदडू या डॉक्टरला

(आता डॉक्टर होणे मूर्खपणाचे लक्षण वाटू लागले आहे. सगळ्यांनी AI कडून treatment घ्यावी, चुकली तर computer फोडावा.)

कवी: डॉ. सुरेंद्र पिसाळ

संग्राहक :श्री. अमोल केळकर

बेलापूर, नवी मुंबई, मो ९८१९८३०७७९

poetrymazi.blogspot.in, 

kelkaramol.blogspot.com  

≈संपादक – श्री हेमन्त बावनकर/सम्पादक मंडळ (मराठी) – सौ. उज्ज्वला केळकर/श्री सुहास रघुनाथ पंडित /सौ. मंजुषा मुळे/सौ. गौरी गाडेकर≈

0 0 votes
Article Rating

Please share your Post !

Shares
Subscribe
Notify of
guest

0 Comments
Oldest
Newest Most Voted
Inline Feedbacks
View all comments