श्रीमती उज्ज्वला केळकर
वाचताना वेचलेले
☆ अप्रूप पाखरे – 17 – रवींद्रनाथ टैगोर ☆ प्रस्तुति – श्रीमती उज्ज्वला केळकर ☆
[८५]
जळणार्या ओंडक्याची
धडधडती ज्वाळा बनली.
’हा माझा फुलण्याचा क्षण
आणि हाच मृत्यूचाही…’
[८६]
तुझा साधेपणा पोरी
किती आरस्पानी
निळ्याशार तळ्यासारखा
तुझ्या सच्चेपणाचा तळ
स्वच्छ दाखवणारा.
[८७]
तुझ्या दिवसाची गाणी
गात गातच तर इथवर आलो.
आता या कातर सांजवेळी
वादळ घोंगावणार्या
या भयद रस्त्यावर
वाहू देशील का मला
तुझाच दीप
[८८]
दुनियेचं काळीज
पुरं वेढलस तू
दाईते,
आपल्या आसवानं
जसं
समुद्रानं पृथ्वीला
कवळून असावं
मूळ रचना – स्व. रविंद्रनाथ टैगोर
मराठी अनुवाद – रेणू देशपांडे (माधुरी द्रवीड)
प्रस्तुति – श्रीमती उज्ज्वला केळकर
176/2 ‘गायत्री’, प्लॉट नं 12, वसंत साखर कामगार भवन जवळ, सांगली 416416 मो.- 9403310170
≈संपादक–श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈
