श्रीमती रंजना मधुकरराव लसणे
☆ रंजना जी यांचे साहित्य # 65 – समन्वय ☆
समन्वय सुख दुःखाचा
मार्ग सुलभ जगण्याचा।
मन बुद्धी या दोहोंचा
मेळ घडावा सर्वांचा।
यश कीर्तीच्या शिखरी
उत्तुंग मनाची भरारी।
परी असावे रे स्थिर
ध्येय असावे करारी |
घेता सुखाचा अस्वाद
राहो दुःखीतांचे भान।
क्षण दुःखी वा सुखद
मिळो समबुद्धी चे दान
हक्क कर्तव्य कारणे
राही सदैव तत्पर ।
लेवू हक्काची भूषणे
करू कर्तव्ये सत्वर ।
जीवन उत्सवा आवडी
प्रेम रागाची ही जोडी।
लाभो द्वेषालाही थोडी
प्रेम वात्सल्याची गोडी।
© रंजना मधुकर लसणे
आखाडा बाळापूर, जिल्हा हिंगोली
9960128105
≈संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित≈
