मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 97 ☆ जिद्द पेरली ☆ श्री अशोक श्रीपाद भांबुरे
श्री अशोक श्रीपाद भांबुरे
☆ साप्ताहिक स्तम्भ – अशोक भांबुरे जी यांची कविता अभिव्यक्ती # 97 ☆
☆ जिद्द पेरली ☆
जीवनाच्या मातीमध्ये
जिद्द पेरली मी होती
केले अश्रुंचे सिंचन
कुठे होती सोपी शेती
माझ्या सागराच्या तळी
गाळ साठलेला किती
पापण्यांच्या शिंपल्यात
काही पिचलेले मोती
घरामध्ये नाही तेल
आणू कुठून मी वाती
तुला ओवळण्यासाठी
फक्त माझ्या दोन ज्योती
आला मेघ भेटायला
तहानलेल्या घागरी
सोडा कोरडा विचार
ठोवा पाणी हे भरुनी
© अशोक श्रीपाद भांबुरे
धनकवडी, पुणे ४११ ०४३.
मो. ८१८००४२५०६, ९८२२८८२०२८
≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈