मराठी साहित्य – साप्ताहिक स्तम्भ ☆ श्री अशोक भांबुरे जी यांची कविता अभिव्यक्ती # 98 ☆ भारतमाते ☆ श्री अशोक श्रीपाद भांबुरे

☆ साप्ताहिक स्तम्भ – अशोक भांबुरे जी यांची कविता अभिव्यक्ती # 98 ☆

☆ भारतमाते ☆

भारतमाते तुला वाहिले

सारे माणिक मोती

नका रे विसरू आपली माती

मिळूनच सारे लढले होते

विसरून धर्म अन् जाती

फासावरती हसत चढले

किती विझल्या प्राणांच्या ज्योती

माता म्हणूनी पुजे धरणीला

या जगतात आमची ख्याती

तिन्ही बाजूने सागर डोलतो

अन् गंगा यमुना वहाती

शुभ्र असा हा उंच हिमालय

त्याच्या समान आमची नीति

सौंदर्याचीच हे खाण काश्मीर

निसर्गाशीच जुळती नाती