मराठी साहित्य – साप्ताहिक स्तम्भ ☆ रंजना जी यांचे साहित्य # 72 – किती उगा झुरायचे…? ☆ श्रीमती रंजना मधुकरराव लसणे

श्रीमती रंजना मधुकरराव लसणे 

☆ रंजना जी यांचे साहित्य # 72 – किती उगा झुरायचे…? ☆

(वृत्त – देवप्रिया, लगावली –गालगाल गालगाल गालगाल गालगा)

आठवात गुंतुनी,  किती  उगा झुरायचे

श्रावणातल्या सरी, तरी मनी  जळायचे….!

स्वार्थ साधण्यास गोड, बोलतात माणसे

प्रेम शोधुनी तयात का उगा रडायचे….!

मीच भक्ष जाहले , अनेक रंग पाहुनी

रंग बदलणे तुझे,  कधी मला कळायचे….!

कृष्ण भेटतो कुणास,द्रौपदीसमान त्या

तू स्वतःस रक्षण्या, स्वतःस ओळखायचे…!

पंख लाभता नवीन, पाखरे उडायची

प्रेत आठवातले तुला, पुन्हा छळायचे….!

©  रंजना मधुकर लसणे

आखाडा बाळापूर, जिल्हा हिंगोली

9960128105

≈ संपादक – श्री हेमन्त बावनकर/सम्पादक मंडळ (मराठी) – श्रीमती उज्ज्वला केळकर/श्री सुहास रघुनाथ पंडित /सौ. मंजुषा मुळे ≈